КафедраларФизикалық және экономикалық географияПрактика

6B05209 – География. Практика

6B05209 – «География» білім беру бағдарламасы бойынша практика

1-курс: Оқу практикасы

Практика мерзімі: 2-семестрдің соңында

Өткізу орны: Л. Н. Гумилев атындағы ЕҰУ жанындағы "Тұмар" оқу-сауықтыру орталығы, Ақмола облысы, Зеренді ауданы, Зеренді ауылы

Мақсаты: Оқу практикасы студенттердің география саласындағы теориялық білімдерін тереңдетіп, далалық зерттеулер жүргізу дағдыларын қалыптастыруға бағытталған.

Негізгі міндеттері:

Далалық зерттеу әдістемесін меңгеру және бақылау нәтижелерін құжаттау;
Микроклиматтық бақылау жүргізу, зерттеу аумағының климаттық сипаттамасын жасау;
Геодезиялық құралдармен (GPS, компас, нивелир, рулетка, планшет) жұмыс істеу;
Далалық материалдарды өңдеу, картографиялық және сандық деректерді талдау;
Табиғи компоненттердің өзара байланысын зерттеу;
Орман зонасы топырағының сынамаларын алу, олардың негізгі қасиеттерін талдау;
Туризмнің түрлі техникасын, қауіпсіздік ережелерін және экспедициялық жұмыстарды меңгеру;
Экологиялық мәдениетті қалыптастыру, табиғатты қорғауға ынталандыру.

2-курс: Ландшафттану бойынша оқу-далалық практика

Практика мерзімі: 4-семестрдің соңында

Өткізу орны: Алматы облысы (Есік көлі, Түрген шатқалы, Шарын каньоны, Үлкен Алматы көлі, Шымбұлақ), Алтай өлкесі (Ресей), Башкортостан Республикасы (Ресей)

Мақсаты: Далалық ландшафттық зерттеулер әдістемесін меңгеру және табиғи жүйелерді бағалау тәжірибесін алу.

Негізгі міндеттері:

Геожүйелерді анықтау және картографиялау;
Ландшафттық кескіндеу әдісін меңгеру;
Табиғи орта компоненттері арасындағы байланыстарды талдау;
Табиғи жүйелердің антропогендік өзгерістерін зерттеу.

3-курс: Өндірістік практика

Практика мерзімі: 6-семестрдің соңында

Өткізу орны: Қазақстан Республикасының өнеркәсіптік кәсіпорындары, ғылыми-зерттеу институттары, мемлекеттік мекемелер

Мақсаты: Өндірістік практика студенттерді кәсіби ортаға бейімдеу, алған теориялық білімдерін нақты өндірістік жағдайда қолдану қабілеттерін дамыту.

Негізгі міндеттері:

Кәсіпорынның құрылымы мен қызметін зерттеу;
Географиялық зерттеу әдістерін қолдану;
Өнеркәсіптік және табиғи ресурстарды тиімді пайдалануды зерттеу;
Қоршаған ортаға әсерді бағалау және экологиялық мәселелерді талдау;
Картографиялық, статистикалық және талдамалық материалдарды жинау және өңдеу.

4-курс: Педагогикалық практика

Практика мерзімі: 8-семестрде

Өткізу орны: Орта білім беру мекемелері, колледждер, гимназиялар

Мақсаты: Педагогикалық практика студенттерді оқытушылық қызметке дайындау, мектеп бағдарламасы бойынша география пәнін оқыту тәжірибесін игеру, оқушылармен жұмыс істеу дағдыларын жетілдіру мақсатында өткізіледі.

Негізгі міндеттері:

География пәнін оқыту әдістемелерін меңгеру;
Сабақтарды жоспарлау, әзірлеу және өткізу;
Оқушылармен өзара әрекеттесу және олардың үлгерімін бағалау;
Интерактивті оқыту әдістерін қолдану;
Оқу процесін ұйымдастыру және оқу-әдістемелік материалдармен жұмыс жүргізу;
Мектеп ұжымы мен әкімшілігімен қарым-қатынас орнату.

4-курс: Диплом алды практикасы

Практика мерзімі: 8-семестрде

Өткізу орны: Ғылыми-зерттеу институттары, университеттер, мемлекеттік мекемелер, географиялық зерттеу орталықтары

Мақсаты: Дипломдық жұмысты орындауға қажетті материалдарды жинау, ғылыми зерттеу жүргізу, тәжірибелік мәліметтерді талдау және оларды ғылыми жұмыста қолдану.

Негізгі міндеттері:

Ғылыми зерттеу әдістерін меңгеру;
Деректерді жинау, өңдеу және талдау;
Географиялық карталар, GIS және басқа да зерттеу құралдарын пайдалану;
Экспедициялық жұмыстар жүргізу;
Ғылыми конференцияларға және семинарларға қатысу.

Практика бағдарламасы

Практика жоспарлары мен есептері

Практикалар студенттердің болашақ кәсіби қызметіне қажетті біліктіліктерді игеруіне мүмкіндік береді және олардың география саласында сапалы маман болып қалыптасуына ықпал етеді.