Химия кафедрасы оқытушыларының ашық сабақтары

2026 жылғы 29 қазанда Л.Н. Гумилев атындағы Еуразия ұлттық университетінің химия кафедрасында ашық сабақтар өтті. PhD, доцент міндетін атқарушы Д.А. Биримжанова «6B05306 – Органикалық заттар мен полимерлер химиясы» білім беру бағдарламасының студенттеріне «Кванттық механика негіздері және компьютерлік химия» пәнінен «Avogadro, MolView, GaussView интерфейстерімен танысу, қарапайым молекулаларды құру» тақырыбында ашық сабақ өткізді. Биология ғылымдарының кандидаты, профессор міндетін атқарушы Н.М. Омарова «6B05301 – Қолданбалы химия» білім беру бағдарламасының студенттеріне «Су дайындау және ағын суларды тазарту» пәнінен «Ағынды судың құрамы. Зерттеу әдістері, ластанудың жалпы көрсеткіштері» тақырыбында ашық сабақ өткізді.

Ашық сабақтар барысында оқытушылар білім алушылардың кәсіби құзыреттерін қалыптастыруға бағытталған заманауи білім беру және цифрлық технологиялардың қолданылуын көрсетті. Теориялық материалды практикалық тапсырмалармен ұштастыруға, молекулалық құрылымдарды модельдеуге арналған мамандандырылған бағдарламалық құралдарды пайдалануға, сондай-ақ ағынды сулардың құрамы мен ластану көрсеткіштерін талдау әдістерін қарастыруға ерекше назар аударылды.

Ашық сабақтардың қорытындысы бойынша пәндерді оқыту әдістемесін жетілдіру, студенттердің танымдық белсенділігін арттыру және оқу үдерісінде заманауи технологияларды тиімді пайдалану мәселелері бойынша пікір алмасу болды. Өткізілген сабақтардың практикалық және әдістемелік маңызы болды, олар оқытушылардың педагогикалық тәжірибесін таратуға және кафедраның білім беру бағдарламалары бойынша мамандар даярлау сапасын арттыруға ықпал етті.