8D05213 – География білім беру бағдарламасының 2-курс докторанттарына педагогикалық практика бойынша бастапқы конференция өтті

2026 жылғы 2 қыркүйекте Л.Н. Гумилев атындағы Еуразия ұлттық университеті Жаратылыстану ғылымдары институты Физикалық және экономикалық география кафедрасында 8D05213 – География білім беру бағдарламасының 2-курс докторанттарына арналған педагогикалық практика бойынша бастапқы конференция өтті.

Конференцияның мақсаты – докторанттарды алдағы педагогикалық практиканың ұйымдастырушылық және әдістемелік мәселелерімен таныстыру, сондай-ақ практикадан өту және есеп құжаттарын рәсімдеу талаптарын түсіндіру.

Жиын барысында практиканың мақсаты мен міндеттері, негізгі кезеңдері мен мазмұны, сондай-ақ практиканы өткізу тәртібін реттейтін нормативтік-құқықтық және оқу-әдістемелік құжаттар қарастырылды. Докторанттарға белгіленген жұмыс кестесін сақтау, қажетті құжаттарды жүргізу және орындалған жұмыс нәтижелерін уақытылы ұсыну тәртібі түсіндірілді.

Конференцияда практика жетекшілері бекітіліп, негізгі жұмыс бағыттары айқындалды және күнтізбелік жоспар келісілді. Практика күнделігін жүргізу мен қорытынды есепті дайындау талаптарына ерекше назар аударылды.

Жиын соңында докторанттарға практикадан өтуге арналған ақпараттық және әдістемелік материалдар, сондай-ақ практиканы ұйымдастыру тәртібі бойынша нұсқаулықтар берілді. Бастапқы конференция алдағы педагогикалық практиканы жүйелі жоспарлауға және докторанттардың оқу-әдістемелік, педагогикалық даярлығын нақтылауға негіз болды.